• जानाड़ : जाहां साबात् ते कोड़ा आर कुड़ी जात् रेयाक् काथा बाडायो: आ, ओना दो जानाड. को मेता: आ। जानाड़ होतेत तेगे जिवीयान आर बाड. जिवीयान को कोड़ा जात, कुड़ी जात से ओका जात रिन हों बाड. काना को बाडायो: आ। जाहां लेका – डांगरी, काडा, कोलोम, हुड़ू, सेता, होड़़, गिदरा एमान को।
• जानाड. रेयाक् हाटिञ : जानाड. दो पुन हाटिञ रे हाटिञ आकाना –
1. कोड़ा जानाड. (पुलिंग) : जाहां साबात ते कोड़ा जात रेयाक् काथा बाडायो: आ, ओना दो कोड़ा जानाड. को मेता: आ। जाहां लेका – डांगरा, सुरेश, बाबा, बोदा, काडा एमान को।
लातार रेनाक् जोतो आयात रे कोड़ा जानाड. गे मेना: आ –
(क) आले ओड़ाक् रे बारया सिम सांडी मेना: किना।
(ख) कमल हांडी ञु केत् आय।
(ग) इञ दादा दो बाजार सेनो: कानाय।
(घ) आले रिन मोड़े गोटाड. कोड़ा मेना: कोवा।
(ड़) डांगरा दो आडी दाड़ेयान जानदार काना को।
2. कुड़ी जानाड. (स्त्रीलिंग) : जाहां साबात ते कुड़ी जात रेयाक् काथा
बाडायो: आ, ओना दो कोड़ा जानाड. को मेता: आ। जाहां लेका – डांगरी, मैनो, आयो, सिम ऐंगा, पाठी एमान को।
लातार रेनाक् जोतो आयात रे कुड़ी जानाड. गे मेना: आ –
(क) डांगरी दो सीयू: कामी रेको लागाव कोवा।
(ख) सोमोली रिन पेया गिदरा मेना: कोवा।
(ग) इञ दाय दो ओड़ाक् रे बानू: या।
(घ) सिम ऐंगा पेया बिली केत् आय।
(ड़) पाठि कोवाक् दाम दो कोम गे ताहेंना।
3. जात जानाड. (उभयलिंग) : जाहां साबात् कोड़ा आर कुड़ी बाना होड़ लागित् बेभारो आ, ओना दो जात जानाड. को मेता:। जाहां लेका – होड़, सेता, सिम, सुकरी, तारुप्, पेड़ा एमान को।
(क) पाता रे आड़ी गान होड़को सेन लेना।
– नोवा आयात रे होड़ साबात् दो जात जानाड. काना, चेदाक् से होड़ साबात् दो कोड़ा होपोन आर कुड़ी होपोन बानार लागित् बेभारो आ।
(ख) सेता को भुगे आ।
– नोवा आयात रे सेता साबात् दो जात जानाड. काना।
(ग) आले ओड़ाक् रे दो माराड.-माराड. सिम मेना: कोवा।
– नोवा आयात रे सिम साबात् दो जात जानाड. काना, चेदाक् से सिम साबात् दो सांडी आर ऐंगा बानार लागित् बेभारो आ।
(घ) आले तेहेञ बारया सुकरी ले सेंदरा केत् किना।
– नोवा आयात रे सुकरी साबात् दो जात जानाड. काना, चेदाक् से सुकरी साबात् दो सांडी आर ऐंगा बानार लागित् बेभारो आ।
(ड़) तारूप दो जिल गेको जोमा:।
– नोवा आयात रे तारूप् साबात् दो जात जानाड. काना, चेदाक् से सांडी आर ऐंगा बानार गे तारूप् को मेता कोवा ।
(च) तेहेञ आले ओड़ाक् रे पेड़ा को हेच् आकाना।
– नोवा आयात रे पेड़ा साबात् दो जात जानाड. काना, चेदाक् से पेड़ा साबात् दो कोड़ा आर कुड़ी बाना होड़ लागित् बेभारो आ।
4. हाद जानाड. ( नपुंसक लिंग) : जाहां तिनाक् बाड. जिवीयान जिनिस को मेना: आ, ओना दो हाद जानाड. को मेता: आ। जाहां लेका – पुथी, कोलोम, इस्कूल, धिरी, गाडा एमान को।
(क) नोवा पुथी दो इञा काना।
– नोवा आयात रे पुथी दो हाद जानाड. काना।
(ख) आमा: कोलोम इमाञ में।
– नोवा आयात रे कोलोम दो हाद जानाड. काना।
(ग) गिदरा इस्कूल को बेनो: काना।
– नोवा आयात रे इस्कूल दो हाद जानाड. काना।
(घ) बुरू रे माराड.-माराड. धिरी को ञामो आ।
– नोवा आयात रे धिरी दो हाद जानाड. काना।
(ड़) गाडा रे दाक् लिंगिन काना।
– नोवा आयात रे गाडा दो हाद जानाड. काना।
* SANTALI GRAMMAR (VYAKARAN) FOR UPSC, JPSC, JSSC-CGL, PANCHAYAT SECRETARY, EXCISE CONSTABLE, JTET EXAMS
* JANANG IMPORTANT QUESTIONS
1. बुरू रे तारूप् को तापाम काना – नोवा आयात रे ओका जानाड. मेना: आ ?
2. सेरमा रे चेंड़े को उडा: काना – नोवा आयात रे ओका जानाड. मेना: आ ?
3. पुखरी रे दाक् पेरेच् आकाना – नोवा आयात रे ओका जानाड. मेना: आ ?
4. गीता दो ओड़ाक् रुवाड़ कानाय – नोवा आयात रे ओका जानाड. मेना: आ ?
5. चाय-चाम्पा जुग रिन होड़ दो आडी सुक रेको तांहेंकाना – नोवा आयात रे ओका जानाड. मेना: आ ?
6. नुय हाड़ाम दो एनेच् कानाय – नोवा आयात रे ओका जानाड. मेना: आ ?
7. इञ बारया मिठु आसुल आकात् किनाञ – नोवा आयात रे ओका जानाड. मेना: आ ?
8. सुकलाल आच् बाबा दो आडी दाड़ेयान होड़ कानाय – नोवा आयात रे ओका जानाड. मेना: आ ?
9. आम बिस्कुट जोम में – नोवा आयात रे ओका जानाड. मेना: आ ?
10. आलु आतु रे होला ञिंदा हाती को हेच् लेना – नोवा आयात रे ओका जानाड. मेना: आ ?
